UROGALIA

 

Uroloxía avanzada, saúde con confianza

Enderezo: Rúa Santiago León de Caracas, 1 – HM Rosaleda – 15701 Santiago de Compostela (A Coruña)

Teléfono: 604 030 375

Web: www.urogalia.com

Urogalia é un referente en uroloxía avanzada en Galicia, con sede no Hospital HM Rosaleda de Santiago de Compostela. O seu equipo, liderado polo Dr. Pérez Fentes, combina experiencia internacional, tecnoloxía de vangarda e un trato humano que sitúa ao paciente no centro de cada decisión.

Desde a súa fundación, Urogalia promove valores de superación, confianza e excelencia, os mesmos que inspiran cada adestramento e cada partido do Club Baloncesto Ames. Este patrocinio vai más alá do apoio económico: representa unha alianza de principios, un compromiso coa comunidade e unha aposta polo talento local. 

Áreas de especialización

·        Endouroloxía e tratamento integral da litíase urinaria.

·        Hiperplasia benigna de próstata e enucleación prostática con láser.

·        Oncoloxía urolóxica: prevención, diagnóstico e tratamentos da enfermidade localizada e avanzada.

·        Androloxía e saúde masculina integral.

·        Uroloxía feminina e funcional.

·        Uroloxía xeral.

 

Por que confiar en Urogalia?

 ü  Prestixio médico recoñecido en Galicia e a nivel internacional. O Dr. Pérez Fentes é un referente nacional e internacional en endouroloxía e uro-oncoloxía (tumores de próstata, vexiga, ril, testículo, pene).

ü  Instalacións modernas e acceso a mellor tecnoloxía.

ü  Atención próxima, personalizada e centrada no paciente.

ü  Compromiso coa innovación, coa actualización continua, coa uroloxía académica e coa mellora permanente da actividade asistencial.

  

Compromiso co Club Baloncesto Ames

Como patrocinador oficial, Urogalia dá un paso máis na súa aposta polo deporte e pola comunidade. A súa marca estará presente nas equipacións de quecemento (“cubres”) durante toda a tempada 2025/2026, converténdose nun símbolo visible de apoio polo baloncesto local.

Cada vez que os nosos xogadores salten á pista, levarán consigo a confianza dunha entidade que cre na forza da canastra como motor de saúde, cohesión e futuro.